بسم الله الرحمن الرحيم
ياربي صلي علي كابنا ونبيا
الشيخ/ ود سعيد
يا ربي صلي علي كابنا ونبينا
محمد القرشي نور المدينه
في بادي قولي بجيب بنظم وزينا
بي ربنا المعطي للسائلينا
خالقنا من صلصال لام استوينا
رازق القبلنا ونحنا ومايلينا
ثنيت قولي علي طه الحسينا
ودآمنه سيد الناس نور المدينه
يوم الخلايق في خوف يجينا
ظل تاجهوا الأمي غطي علينا
كان في ربيع خمسين ميلاد نبينا
نهر النجوس نشفت وصار ماها طينا
كسري اللعين إيوانهوا صار درينا
نار العلوج خمدت بي نور نبينا
جاءا نسا البر للراضعينا
قالن يتيم مقطوع مادايرينا
جاتن حليمه تسك راكبه أبطينه
داراوي عاد مكسور ماهو السمينا
قالت غلام مبروك كنزا خزينا
من أتانا الخير زال العلينا
جبر حمارا الكان مكسور حزينا
وباب الرزق مفتوح ليها وجنينا
المعجزاتو كتير عاد ماحصينا
جزع النخل بيصيح فاض بي الحنينا
نبع الزلال للجيش بين اليدينا
وطب الصحابي الكان مقدوده عينا
يوم اليهود صادوا لي ام الجنينا
حلاها سيدي النور وقعد ضمينا
قال أصعر الجديان ماعيب علينا
حرم لبن أمو وحلف يمينا
أصحابهوا الفراس العارفينا
صديق عمر عثمان وكرار علينا
تشهد لهم بدرا وأيضا حنينا
شوف أبجهل مقتول لي مجندلينا
لاح البريق يا أخوان تال المدينه
حرك لي جوفي المات حسدا وضغينا
طراني روضاتو أحمد نبينا
نعم اليجاوروا هناك يقعد سنينا
بختم صلاتي علي طه الخزينا
بي عد موج النيل حوتوا وطينا
وعد ماخلق ربي وعد ماحصينا
وعد حافظي القرآن وعد ماتلينا
وعدد الحجيج ماطاف والراكعينا
وعد الطلع عرفات والنازلينا
بي عد ما أعتمر المسلمينا
وبي عد ماسبح الذاكرينا
من ودأبنعوف نظم هذا الوزينا
ينجابوا من النار لهبه وسخينا
في عاليا الجنات حور لاعبينا
نقعد هناك جميع المادحينا
جبت النظم كالدر سمحا رصينا
تشفعلي يوم النار تظلط جبينا
قالولي أت يالشوم ليك شافعينا
أنت وأخوك خالد ودأبقرينا
لم الأهل ٨ن جم لاعند حسينا
أمك وأبوك أنا عاد ليهم ضمينا
يبشفع جميع مسم للفاسقينا
الا الذين يسمو الكاذبينا
#شبكة_انكور_التطويرية
