بسم الله الرحمن الرحيم
نعم العنا وروح
كلمات الشيخ / ود سعيد
نعم العنا وروح
بي درب الفريش شاف العلم لوح
زار جد الحسين
قام العبيد روح
في بحر الثقات بي سفنو ينسوح
في سوق ليلي راح بي شوارعو يندوح
فرشولو البساط قالولو إتريح
لما أجلسوا بالمره يتأدب
جابولوا الذبيب والتيني والحبحب
كاسات من حمي أعطوهوا كي يشرب
أصبح في سعير الحب يتقلب
قال ليهو الشروط العندي مسموعه
الأغيار والسوه في سوقنا ممنوعه
الأرواح بضايع لينا مدفوعه
ربحوا الواصلين في شراها وبيوعه
قلتله مرحبا بي ما شرطوهو
قدم عمري ليكم حالي شوفوهو
يارب ياكريم عبدك أغيثوهو
من كيد النفس وجنوده روهو
الليله البشير من ليلي بشرنا
بي خبر السرور في قلوبنا خبرنا
والله العظيم لو نلقا خاطرنا
الروح في بشارتك بيها بادلنا
وآسفاي علي ماضاع من عمري
عقبات الطريق ماجزت من بدري
مشغول بالريا والعجبي والكبري
في رضاك ياكريم يسر جميع أمري
الليله البروق تال الشروق لاحن
هاموا العاشقين وأرواحهم راحن
شاهدن الحبيب فازن وإرتاحن
ياواصل القطيع أجعلي مرواحن
قال ليك ودسعيد بي زنبي جاييكه
ناقص من فعال الخير راجيكه
يارب ياكريم أدخلهوا ناديكه
وأجلسوا فوق بساط قربك يناجيكه
الصلاه والسلام ماغني طاؤوسا
ومادارت علي الأحبابي بي كؤوسا
ماعقدت حضاير وماحكم غوثا
ومانارت قلوب بي ليلي مأنوسا
#شبكة_انكور_التطويرية
