logo

أهلا وسهلا بك زائرنا الكريم في أرشيف انكور، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





17-09-2022 09:39 صباحاً
معلومات الكاتب ▼
تاريخ الإنضمام : 15-09-2022
رقم العضوية : 800
المشاركات : 5543
الجنس :
تاريخ الميلاد : 2-1-1990
قوة السمعة : 10
رابط الموقع : ewrgewrg.com

بسم الله الرحمن الرحيم
ندرت الندر بالساهل...

وكفّرني عشان أوفيه...

لا كان الندر يستاهل...

ولا كفري نفع بعديه...

ندرت الندر يا طاهرة...

ماسيب وقفة ولا مظاهرة...

وف الإضراب...

وف العِصيان...

تلوش الشومة و العُصيان...

وف الأقسام...

مع الأقلام...

تمللي بتكمل السهرة...

ندرت الندر يا طاهرة...

ندرت الندر يا دسوقي...

أصارحك لجل ما تفوقي...

بجرحك لجل يتعافى...

و أسايسك لجل نتصافى...

وأصالحك لجل ما تروقي...

ندرت الندر يا دسوقي...

ندرت بندر أبو العباس...

يدوق سجّاني نفس الكاس...

أسدّ ف ديني من ماله...

و أكتف إيده بحباله...

وناره القايدة تحماله...

وأدوس فوق منه زيّ ما داس






ندرت بندر أبو العباس...

ندرت الندر يا رفاعي...

عقدت العزم و النية...

لا حاخد حقي بدراعي...

مدام عسكرها حرامية...

وطفت و زرت كل مقام...

مليته دموع بكا وكلام...

كنست السيدة يا إمام...

فتلت يا عدرا شمعك فيه...

ندرت الندر بالساهل...

وحتى لو حاموت و اوفيه...

أكيد الندر يستاهل...

مدام حتعيشي من بعديه...
#شبكة_انكور_التطويرية


اضافة رد جديد اضافة موضوع جديد




الكلمات الدلالية
ندرت ، الندر ، بالساهل ، وكفرنى ، عشان ، اوفيه ، مصطفى ، ابراهيم ،









الساعة الآن 09:40 AM