بسم الله الرحمن الرحيم
يابدر مابعرف خسوف..حاضن نجوم الليل معاك
كل النجوم منك تغير.. ماقادرة توصل لي مداك
منك عرفت الاختلاف ...بين البشر وسحر الملاك
ياملهم الناس الشعر..احساسو مابيوصف بلاك
تخجل حروف كل اللغات..توصف جمالك او بهاك
احساسي اكبر من حروف ...مكتوبة بي لهجة دماك
باقة ورود دموعها دم..مناها تتنفس هواك
بريد خطاب ..من زول بعيد..يحلم يعيش لي يوم لقاك
الوان خشب في يد طفل ...احساسو ممزوج بي صفاك
ترنيمة لي الحان فرح وانا سارحة اتامل غناك
#شبكة_انكور_التطويرية
