logo

أهلا وسهلا بك زائرنا الكريم في أرشيف انكور، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





17-09-2022 08:53 صباحاً
معلومات الكاتب ▼
تاريخ الإنضمام : 15-09-2022
رقم العضوية : 800
المشاركات : 5543
الجنس :
تاريخ الميلاد : 2-1-1990
قوة السمعة : 10
رابط الموقع : ewrgewrg.com

بسم الله الرحمن الرحيم

هل ما زال عندي أمل؟؟
وفي جواي عشم ما مات؟
بشوفك في ضلام الليل حلم بتقاسمو الجنيات
وفي ريحة دعاش الغيم وفي فرح الزمان الفات
بشوفك في عيون ساحرات وعود وخشوما كضابات
بتمشي معا طريق الريح تميل مع أتقل الكفات
دروبك ما بتوصل ليك تلحّق طه والأمّات
بتعجب زي جمال الطين كتير ترمينا في الحوبات
وكل ما أقول أخلي هواك وأحسن أقرع الواقفات
تجهجهني الأماني الشح ويمرو طيوفك الحلوات....
سألتك بالذي سواك لوحة تمثل الأجمل
بدور أسأل...
لقيتك زي حلم مشرُوع وكل مشرُوع معاك بفشل
مسافتك كل خطوة تزيد ودربك كل يوم أطول
دحين بسأل
لماذا وكيف أين وهل
معا واقعنا عندي أمل
إلى ضفة أمان أوصل؟!





رسمتك لوحة زيتية
بيوت من طين وقطية
وخشم كل باب تبلدية
وشدرة نيمة جمب القيف
وفوق الغصن قمرية
وفي طرف الغموض ظهرت شمش في قعدة ضحوية
وبين واطاتنا و الآفاق طريق النيل وفوق البال طيوف مُشرع وفي الخاطر معديّة
و عشيشة خوس وفي الركن البعيد فانوس ننور بيو معا جية المغيربية
وحال دنيانا ساقية تدور تشيل من نيلنا غنوة ريد تلاقي القيفة مرمية
وبين النيل وبيت الطين وبين الساقية والقطية والشدرة وعشيشة الخوس مساحة حب وحرية
إطار اللوحة كان واحد وكان واسع
خشب أبنوس ومنقوش نقشة نوبية
مكان اللوحة أفريقي وحروف توقيعا عربية
وبي رغم اختلاف النسبة والألوان بشوف اللوحة سحرية
معلقة في جدار الروح وفي واقعنا مخفية
سألتك بالذي سواك لوحة تمثل الأجمل
سألتك بالذي نحتك تصاوير لي وطن في الروح
أيا أعظم جدارية
هل ما زالَ عندي أمل؟!
#شبكة_انكور_التطويرية


اضافة رد جديد اضافة موضوع جديد




الكلمات الدلالية
وئام ، كمال ، الدين...كتير ، يسأل ،









الساعة الآن 03:33 PM