بسم الله الرحمن الرحيم
ايهاب المالكي
بعيوني اريدك تجي لو بس حلم عابر ..
اطيني نسمة هوى وبراحتك سافر
من دونك انة ترى متلعثم وحاير …
لو كلبي لو خاطري ما اعرف شكاسر
يلبية الك لوعتي والشوق والشاعر …
وليل وحلم بالجفن والماضي والحاضر
كلي اذا ماتجي وسولف من الاخر…
انا ودمـــــــــــعتي ترى مانصبر الباجر
عكبك اامن منو ومنين ما احاذر …
حرب الضنون ابتدت والعازتك ســـاتر
وديلي اثر خطوتك وديلي عطر لمستك…
سويلي واهس اضل وكت البعد صابر
ما خضرت والنهر وشل ونا مناطر…
والضن جنيتك ترى معذور الة الضاهر
جن دوب ادور سمة علة الطير المهاجر…
بعدك كلة من الخلك وتشلبة على الخاطر
يالماسمعت الحجي .جا ماسمـــــعت البجي …
شــــــــتريد اموت…اي متت تدلل وتامر
خيلـــــ الـــحزن على الجفن خلت اثر حافر …
وياك احس بالنــــــصر من ارد خاسر
بس انت ثق بالهوة بطلت ماعاشر ….
وهسة افتهمت المثل عن غلطة الشاطر
#شبكة_انكور_التطويرية
