بسم الله الرحمن الرحيم
ثقافــة
فيه ناس لما تضايق
تملا البانيو وشوية بخور
وشمع ومزيكا واغاني
أو تروح تحكي
وتاخد وتدي
مع طبيب نفساني
أو تطلع شرم الشيخ تاني
ودي ثقافة ..
وفيه ناس لما تتخنق
ترجع تقلب ف اللي فات
وتجيب الصور والذكريات
وتاخد جوافة وبلح أمهات
وتروح تزور الميتين
ف القرافة
ودي ثقافة ..
وناس تلم العيال
وربع لب ونص سوداني
وفيلم قديم لإسماعيل ياسين
أو نجيب الريحاني
أو تعدي ع الحلواني
وكيلو مشكل
وتكتر الكنافة
ودي برضه ثقافة ..
والكل مجروح
ونفسه يبوح
بس مش عارف
#شبكة_انكور_التطويرية
