بسم الله الرحمن الرحيم

صوت البكاء المبحوح





أبكيك كيف

قول لي شان دمع

العيون ما يجرحك

شان الرموش لحظة

حزن ما تهبشك

قول ليا كيف

أبكيك أنا

يا حِته مني بودعك

كيفن بطاوعك فيني

إحساس الرحيل

قُبال أباريك و أوعدك

قُبال دروبي تروح عليك

قبل الطريق يندلي

فيني ينزلك

أبكيك كيف

وأنا زي طفل عايش فرح

والدنيا ما بتعرف جُهال

قُبال يلم بسماتو بتكيل الوجع

تكتب علي فرحو المحال

قول ليا كيف

تبكيك بِنيه من الجروف

شايلاك سعن .. رواب حنين

شان العطش شارباك جغمات

من يقين

وأبكيك كيف

يا زول بيحتل في الضلوع

الليله نازفاك العيون

مسكونه منك بالشجون

وكيفن دموعي أنا تنزفك

من غير يهبشك في الدموع

رمش المواجع يخدشك

قول ليا كيف ؟؟

#شبكة_انكور_التطويرية