أرشيف انكور
(نسخة قابلة للطباعة من الموضوع)
https://archive.iinkor.com/t756
أنقر هنا لمشاهدة الموضوع بهيئته الأصلية

زهو الدنيا معادوا لا يدوووووم
عبد الرؤوف 17-05-2020 07:30 مساءً
زهو الدنيا معادو لا يدوم *** ولا دام يجي النهار اللي يحبس فيه




لا تربح فيه عيب ولا تلوم *** و كن سباق للخير و الشر خطيه
زين الخصال فارس معلوم *** وزين العلوم قرآن تحفظو و تسديه
زين النسبة عرش مقيوم *** و زين الغلبة طلبة مالين نية تحميه
ارواح يا فارس شيخ القوم *** عطيني سر الخيل اللي تدريه ...
القلب عليها راه مهموم *** و الخاطر تهول أنا واش يرضيه
زين الكسب عود مرڨوم *** يعرف للمحافل و السير يواليه
مجمول الصفات ميهوم *** ادهم قاتم لون الليالي داميه
العنڨ تاحفو مرسوم *** السبيب طايح عليه نورو ضاويه
الظهر ؛ السرج فيه يعوم *** واسع البادرة صدرو عبارو كافيه
مرفوع الذيل حسو زڨوم *** تهابو؛ الصيد بحافرو يڨديه
هذا واش خطر بالي اليوم *** و جاد المنظر من قال يخليه
غزالي في قولو راه منظوم *** دزاير المقام ياللي تشتيه
ادعولوا من القلب تفرج لهموم *** طالب انجى من مولاه يرضيه​
أرشيف انكور

Copyright © 2009-2025 PBBoard® Solutions. All Rights Reserved