أرشيف انكور
(نسخة قابلة للطباعة من الموضوع)
https://archive.iinkor.com/t2434
أنقر هنا لمشاهدة الموضوع بهيئته الأصلية

آلاء أبو سفيان... بين انسان العين ورموشك
Basil Abdallah 17-09-2022 08:57 صباحاً
بسم الله الرحمن الرحيم
إحنا ردناك زي عيونا
وغلبك إنتا تشيلو ريدنا
برضو عشناك في غنانا
وكم شقينا وفيك وِدرنا
هل بتنسى اليوم غرامنا
العشنا الفيهو معاك عمرنا
أم بتعشق في سوانا
تسيبنا إحنا نعيش قدرنا
محبوبي ياعالي المكانة
إنتا غيمنا وسر مطرنا
برضو بشرق فيك صباحنا
وليلنا عاشقك ياقمرنا
كيف بدونك إكون هوانا
ومابنقول فتناو ..فترنا
تقدر إنتا تزيد عذابنا
ولو تريد بيزيد صبرنا
وتقدر إنتا تشيل هنانا
الفيهو شوقك هو الأمرنا
نبقى واهبين ليك حنانا
ولسه تايهين فيك وحِرنا
هل بتدري الريد حوانا
وهل بتدري الشوق نظرنا
لمّا عشنا اليوم لقانا
وكم مَلَك غنّى وحضرنا
رفّ فوقنا وإحتوانا
وكمّل التحنان سَمَرنا
وزي تقول تطواف شذانا
عطّر الكعبة وغمرنا

إحنا عاشقين نور عيونك
الفيها عايش ضي بصرنا
وفي عينينا بكون سُكونك
الفيهو طال مشوار سفرنا
#شبكة_انكور_التطويرية
أرشيف انكور

Copyright © 2009-2025 PBBoard® Solutions. All Rights Reserved