أرشيف انكور
(نسخة قابلة للطباعة من الموضوع)
https://archive.iinkor.com/t2208
أنقر هنا لمشاهدة الموضوع بهيئته الأصلية

جرح لجرح يا نار اداور بيك
Basil Abdallah 17-09-2022 08:28 صباحاً
بسم الله الرحمن الرحيم

جرح لجرح يا نار اداور بيك
جرح لجرح يانار اداور بيك
تبرد من كتر ولكتر تجويني
ذبلت بمحبتك زهرة العشرين
وبريحك طفت شمعة ثلاثيني
ما اعوفك بعد ماخذ عهد علروح
وقابل لو حطب للنار ترميني
اتنفس هواك بزحمة الدخان
واكولن هم يحن كلبه ويطفيني
مو ثوب وينزعك جسمي حتى ارتاح
ولا كل يوم طبعي بثوب تلكيني
احبك مدري ليش وليش مدري شلون
ولا جويات نيرانك تطفيني
ماادور كمت عزة نفس وياك
بس ينجاب طاري اسمك يبجيني
يا اجمل حلم عشته بخيال النوم
وقيثارة لحن صوتك توعيني
محتاجك حبيبي بكثر ما محتاج
واحد يفتهم حجيي ويحجيني
زينتك ضوه وصارت عليك العين
وحرامية العشك ترست بساتيني
سولفلي التريده جروحي تعبانات
خليني افتهم شتريد خليني
انه وياك واضح مثل شمسك هاي
وغربيل العواذل ما يغطيني
وانه بغير حبك صدك ناقص دين
احبك وارد اكمل وياك نص ديني
#شبكة_انكور_التطويرية
أرشيف انكور

Copyright © 2009-2025 PBBoard® Solutions. All Rights Reserved