أرشيف انكور
(نسخة قابلة للطباعة من الموضوع)
https://archive.iinkor.com/t2100
أنقر هنا لمشاهدة الموضوع بهيئته الأصلية

رسمتك للأمل بسمه .. واشوفك حلمي ومعناي "
Basil Abdallah 17-09-2022 07:34 صباحاً
بسم الله الرحمن الرحيم


رسمتك للأمل بسمه .. واشوفك حلمي ومعناي "

أنـا جيتـك على النيـه .. أحسب إنك على مبداي

.................. ولاكن للأسف خنتي .. خفوقٍ ضمك شعوره

لك الله من خذلتيني ... أحس إن الأسى مرساي "

................. أعيش بلجة أحزاني .. كأن الأرض مهجـــــوره

واصَوت والصدى صوته .. مثل عزف الالم بالنــاي "

............... وأحاول أكتم أنفاسي .. وصاح القلب من جوره

رسمتك للأمل بسمه .. واشوفك حلمي ومعناي "

.................... وغيرك لو تباطيته .. غيابه يشبه حضـــــوره

تعآلي شوفي اعيوني .. قهرها يستلذ ابكاي "

................ أنا حتى الحنايا من عقب فرقاك .. مكـــسوره

يناديك المكان اللي .. نشدني عن غلا ذكراي "

.......... يبس ريقه من الفرقى .. ورسم حلمه على سوره

أنا ليه اشتكي جرحي .. وأنا الي حاضنك برضاي "

............. مدام ان الخطــا منــي .. جــروح الوقت معـذوره

أبسكت دامها خيره .. تعبت أسمع صدى شكــــواي "

.......... بكيت .. ولابقى غير التعب والشوق .. والصــوره !!

..

مما راق لي

#شبكة_انكور_التطويرية
أرشيف انكور

Copyright © 2009-2025 PBBoard® Solutions. All Rights Reserved