أرشيف انكور
(نسخة قابلة للطباعة من الموضوع)
https://archive.iinkor.com/t2067
أنقر هنا لمشاهدة الموضوع بهيئته الأصلية

سيدة عوض....بت ملتقه بـ الجرح
Basil Abdallah 17-09-2022 07:11 صباحاً
بسم الله الرحمن الرحيم


بت ملتقه بـ الجرح

دغدغته جرحك فيني أنــا
أصلو الجراح تنتح وجع
لامن نلامس مكمنه
أعصر معايا علي الجرح
خليني أزيدو كمان نتح
وأوعاك تزح
قالدني ذي فالي السمح
وأكشف معاي ساق السؤال
يمكن يجاوبني الخيال
أصلو الحلم ما فيهو محال
ولساني حال معدوم فرح
جوايا نيل الريد نزح
يلاكا أرح
خلي الجرح
ينتح وكت أصلو إنفتح
وبعد إنكسر من وين أجيب
شانك كريعات للوقوف
بعد إحتضر
كيفن أشيلك في دماي روح للحياه
وأرجاكا من تاني وأطوف
بعد الورد جواي يجف
كيفن بفيدك ها القطوف
خليني أروح
أو لا تروح
ما فارقه شي
أنا بت ملتقه بالجروح
حفيانه في دربك بوِح
وعشم الحنين جوايا بح
وكتين نشف فيني الورد
شابيت علي درب الرجوع
ناديت عليك
يلاك أرح
نأكل حنين نشبع فرح
إلاكا فارقته الدروب خليتني
لي وجع الجروح
كل حته في الروح بلمسه
تنزف توِح
ما قلته ليك
أنا أصلي صِح
بتاً ملتقه بالجرح
#شبكة_انكور_التطويرية
أرشيف انكور

Copyright © 2009-2025 PBBoard® Solutions. All Rights Reserved