بسم الله الرحمن الرحيم
ما ينطيني كلبي اتنام زعلان
نص الليل اجيتك حتى أراضيك
اجيتك بالحلم بس انته سهران
مانايم جنت واشلون الاكيك!
فزيت اعله مودك وانه نعسان
وبذاك النعاس ومعتني اعليك!
سابكني الكلب كدامي فرحان
ابسالوفة عشك رايد يحاجيك
وصلت البابكم بأشواكي وهلهان
ودموعي اعله بابك سولفن بيك..
جان الليل بارد وانته بردان
عهد مني ابدفو هاليله اخليك
وَجيت الكلب سويته بركان
دفت كل منطقتكم حتى ادفيك!
كعدوا ناسكم كعدوا الجيران
اسمعه ايكول نصي التدفئه اشبيك!
السبلت شغلينه وجنها نيران
مايدرون اجيتك وأرد اغطيك!
طلع جيرانكم كالالي يفلان
دفيت السلف ريت الله ينطيك
بس انته عفتني ابدمع الاحزان
عيني البابكم ضلت ترابيك
معقوله حبيبي الهسه زعلان؟
ترى ما أقصد وحبيت اشاقيك
من شفتك ورد حسبالي بستان
ولهذا لزمتك كمت أشم بيك!
لا تدعيلي بس لا تبقى حزنان
تعال ادعي عَلي ما ازعل اعليك
تعال ادعي علي ما ازعل اعليك
حسين االساعدي
#شبكة_انكور_التطويرية