بسم الله الرحمن الرحيم
كُون الفرح...
ـ
جوه العُروق الفيك بكت
دفّق بُكاها الفيو أسى
دفّق بكاها على الجسد
صَحى المسامات الحُنان
النايمه في حُضن الصبر
لكنو صبراً ليها مات
حتى الصبر ما ليهو حَد
يا وصْلك التعب المريح
بُعدك جِزع مِنو الجَلد
صوتاً هرب في داخلي ليك
كايس الدريب الاتفقد
شان يمشي ذاتك في الخيال
لي رحلة الحِلم السراب
في نبرة الوجع القَصَد
قلباً عِشق ذاتك زمن
في لحاف عذاباتك رقد
لا نام وشافك في الرؤى
صاحيك وطيف قلبك شرد
وما أتوجس البُعد الألم
صابر علي حالي العَلي
حالي العسير خاتي السَعد
ما أصلو للأقدار حُكم
قَدّت فؤادك يا هوى
قَدّت منيديل الفرح
يوسف كمان ساوالو سد
دُكان همومي ببيعو ساي
ما قلبي للأحزان جرد
بيك الأمل ضوى المكان
وإن شاء الله عيشه معاك رغد
ساكِن حنايا الانتظار
حرفاً مُسافر في الوعد
قالِد ملامحك يا وطن
حاويني حد الإنعزال
وطناً أنا...
وطناً دنا...
شِقيش أمش حامل قربة شوقي ليك
بلقاك في أوصالي مَد
بلقاك في ظلماتي نور
بلقاك في فرحي الشرد
بلقاك انا
.. ومن غير أسى
بلقاك لي أسئلتي رد
#شبكة_انكور_التطويرية