بسم الله الرحمن الرحيم
(الغربة فيك)
يا قلبي لا
ما تعيش هموم
قشقش دميعاتك واقيف
دوزن اناشيد الخريف
لي حزني ما ترضى الرجوع
قول ليهو جات ساعة الوداع
شد الرحال لي مرسى غير مرساي انا
عارف العشق سواك دريب
ساسق معا نيرانو فيك
متملك القلب القصادك ما عرف طعم الفتر
متلبس العمر الفضل
لا يوم طواهو الانهزام ولا ملَ في ذاتك سفر
تشرق ليالي الامنيات
بي ضي خطى الطيف الحضر
هيبة وحنان
شامخ كما صرح الامان
يا طيفو انقع توب همومي المرة بي موية الفرح
واحمل عذاب القلب واديني الامان
ما الغربة فيك اجمل قرب
واللحظة جد في حضرتك تاخد ملاين الصور
#شبكة_انكور_التطويرية